មូលដ្ឋានសុវត្ថិភាពអគ្គិសនីក្នុងផ្ទះ

ការដំឡើងអគ្គិសនីមិនត្រឹមត្រូវ គឺជាមូលហេតុទូទៅបំផុតមួយនៃអគ្គិភ័យក្នុងផ្ទះ។ ខាងក្រោមនេះជាចំណុចដែលម្ចាស់ផ្ទះគ្រប់រូបគួរដឹង ទោះមិនមែនជាជាងក៏ដោយ។

ទំហំខ្សែត្រូវសមនឹងបន្ទុក

ការប្រើប្រាស់	ទំហំខ្សែណែនាំ
ចង្កៀង	១.៥ ម²
ព្រីស/ដោត	២.៥ ម²
ម៉ាស៊ីនត្រជាក់	៤ ម²
ខ្សែចូលផ្ទះ	១០ ម² ឬច្រើនជាង

ប្រព័ន្ធដី (grounding) មិនមែនជាជម្រើសទេ

ផ្ទះជាច្រើនក្នុងប្រទេសកម្ពុជានៅតែគ្មានដែកដីត្រឹមត្រូវ។ បើគ្មានប្រព័ន្ធដី ឧបករណ៍ការពារមិនអាចដំណើរការបានពេញលេញទេ ហើយគ្រឿងបរិក្ខារដែកអាចមានចរន្តរត់។

ដំឡើង RCD/ELCB

ឧបករណ៍កាត់ចរន្តលេចធ្លាយ ៣០mA កាត់ភ្លើងក្នុងរយៈពេលមួយភាគរយនៃវិនាទី នៅពេលចរន្តរត់ចូលខ្លួនមនុស្ស។ វាមានតម្លៃតិចជាង ២០ ដុល្លារ ហើយវាជាឧបករណ៍សង្គ្រោះជីវិត។

កំហុសទូទៅនៅការដ្ឋាន

• ភ្ជាប់ខ្សែដោយរុំកាសែតជំនួសប្រអប់ភ្ជាប់
• ប្រើ breaker ធំពេកសម្រាប់ខ្សែតូច
• ដាក់ព្រីសទាបពេកក្នុងបន្ទប់ទឹក ឬក្បែរអាងលាងចាន
• ខ្សែម៉ាស៊ីនទឹកគ្មានប្រព័ន្ធដី
• គ្មានផែនការខ្សែ ធ្វើឲ្យពិបាកជួសជុលពេលក្រោយ

មុនប្រគល់ការងារ

1. សុំរូបថតខ្សែក្នុងជញ្ជាំងមុនពេលបូក។
2. សាកល្បងគ្រប់ព្រីស និងគ្រប់ចង្កៀង។
3. សាកល្បងប៊ូតុង TEST លើ RCD។
4. សុំតារាងឆានែលនៅលើទូ breaker។

ស្វែងរកជាងអគ្គិសនីដែលមានការវាយតម្លៃល្អនៅលើ BuildHub ហើយពិនិត្យមតិអតិថិជនមុនៗមុននឹងសម្រេចចិត្ត។